دخلت تلا الشركه لقت في هرج ومرج
تلا : استاذ فتحي
فتحي : اخير حضرتك جيتي يا تلا هانم
تلا : ايه الي حصل
فتحي : في فلوس مسروقه في قسم الحسابات
تلا ب : ايه ؟
وقعتهم مهببه
طلعت تلا في منتهي ال والعجرفه
تلاقي بعلو صوتها :استاذ حسااااام
حسام جري عليها : نعم يا تلا هانم
تلا : ايه الي بيحصل هنا
حسام بنظرت خبث: في فلوس ضايعه والموظف المسؤل عنها لسه مجاش
تلا ب عارم : نعم !
اسمه ايه الزفت ده
حسام بابتسامة خبث : حمزه نور الدين
تلا : اول ما يجي الزفت ده تجيبوه علي مكتبي فورا مفهوم
ولو مجاش انهارده تديني خبر
فاهم
حسام بابتسامة انتصار : امرك يا تلا هانم عند حمزه
حمزه كان واقف في الشارع عربيته اتعطلت
حمز : يا حول الله يارب هو ده وقته
ربنا يستر
اتصل حمزه بالميكانيكي وجه صلح العربيه
حمزه : تسلم ايدك يا اسطا
حسابك كام
الميكانيكي : خلي يا بيه
حمزه : الله يكرمك
الميكانيكي : الحساب ……
حمزه طلع فلوس واداها للمكانيكي وخد عربيته وطلع علي الشركه
وصل حمزه الشركه ولقي الدنيا مقلوبه وقابل استاذ فتحي
حمزه : في ايه يا استاذ فتحي
فتحي:
فيه فلوس اتسرقت وقالبين الشركه عليك من الصبح
الهانم شكلها ميبشرش ب الخير وقالت اول ما تيجي نقولك تروحلها
حمزه : طيب انا الاول هروح اخد الاذن من الاستاذ حسام
احسن ده بيتلككلي
فتحي : ربنا معاك يابني
راح حمزه علي مكتبه وقابل استاذ حسام
حمزه : صباح الخير يا فندم
حسام: صباح الزفت
حمزه : خير يا فندم
حسام : في فلوس ضايعه في الشركه وحضرتك جيلي متأخر كمان
حمزه : والله يا فندم ….
حسام :
متشرحليش حاجه
روح لتلا هانم في مكتبها هي عيزاك
حمزه : حاضر يا فندم
راح حمزه علي مكتب تلا
حمزه : صباح الخير يا نهي
نهي: صباح النور يا حمزه ادخل للهانم لان هي علي اخرها
حمزه : ربنا يستر
خبط حمزه علي الباب وسمع صوت من جوه بيقول ادخل
دخل حمزه ووقف قدام المكتب
حمزه : صباح النور يا هام
تلا بيه: نعم عايز ايه
انا مش قلت محدش يدخلي الا حمزه نور الدين
حمزه انخض من ردت فعلها
حمزه : انا حمزه نور الدين يا فندم
تلا: اهلا انت شرفت
ما بدري يا استاذ هي وكاله من غير بواب تيجي زي ما انت عايز
حمزه : والله يا فندم العربيه اتعطلت في نص الطريق
تلا:دا ميخصنيش دا مش مشكلتي انت ليك مواعيد عمل رسميه المفروض تلتزم بيها
حمزه قظم غيظه : انا اسف يا فندم
تلا: اسف؟ هعمل بيها ايه هرجع بيها الفلوس ال انت سرقتها
حمزه : نعم !
فلوس ؟! وكمان سرقتها ؟!
تلا: تقدر تقولي هيكون مين غيرك.
سرق ال 100الف جنيه وانت ال ماسك الحسابات
حمزه بيه : بقولك ايه انا ماسك نفسي عليكي بالعافيا عشان انتي واحده ست
لكن عند شرفي المهني وتقوليلي سرقت
لا
انتي فاهمه
الي ليكي عندي انك تكوليني للتحقيق وساعتها بقي نبقي نشوف مين الحرامي يا هانم
تلا بيه: ماسك نفسك بالعافيا ؟!
انت مين انت عشان تقولي كده
وهيكون مين الي سرق يعني
انت الي مسئول قدامي عم الفلوس ديه
يعني التهمه لابساك لابساك
حمزه : فين دليلك يا هانم
تلا بحيره : دليل؟!
اكملت تلا بعجرفه :
انا معنديش دليل قاطع لكن انت المسئول عن الجزء ده من الحسابات هيكون مين غيرك يعني عمالها
حمزه : مفاتيح الخزنه يا هانم بتبقي معايا اثناء فترت العمل بس وبعد كده بسلمها لأستاذ حسام
ومش معقول يعني هسرق١٠٠ الف جنيه قدام الناس
شغلي عقلك يا هانم
تلا : قصد ك ايه يا افندي
حمزه : مقصدش حاجه
لاكن الشركه كلها كاميرات تقدري تخشي وتشوفي بنفسك
تلا : انا فعلا هعمل كده
لاكن انا هسيبلك فرصه لبكره تفكر لو جيت وقولت انك سرقتهم هخليك تقدم استقالتك وحلال عليك ال١٠٠ الف لاكن لو عرفت بنفسي انا مش هرحمك فاهم يا …ياحمزه
حمزه : لو ادتيني فرصه لالسنه الي جايه مش هعترف بحاجه
لاني معملتش حاجه
يا..ياهانم
طلع حمزه من المكتب
تلا بنرفزه : ماشي يا حمزه
اما وريتك
مابقاش انا تلا الهلالي اما وريتك
قطع ية تلا تليفونها
تلا : الو
المتصل : …….
تلا : تمام يا بيري
انتو فين
المتصل : ……
تلا : خلاص ساعه واكون عندكوا في النادي
باي
قفلت تلا الموبيل ولمت حاجتها وركبت العربيه وطلعت علي النادي الحلقه الثانيه
من روايه ” المتعجرفه و انا ”
طلع حمزه من الشركه وركب عربيته ورجع البيت
دخل حمزه البيت
حمزه : سلامو عليكم
الام طلعت جري من المطبخ : وعليكم السلام يا بني
خير
ايه الي رجعك بدري كده
حمزه : ديه حكايه طويله هبقي اشرحالك يا ماما
المهم فين حنين ومازن
الام: جوا ف الاوضه يا ابني
حمزه : طيب انا هدخل انام وابقوا صحوني علي الغدا
الام: ماشي يا حبيبي
دخل حمزه اوضته غير هدومه واتوضي وصلي ركعتين وقعد علي السرير يفكر
حمزه :
يا تري مين عمل فيا كده
انا لو انفصلت هعمل ايه
انا مسئول مني امي واختي وابنها
ومعاش بابا ومعاش جوز اختي مابيوفوش حاجه
يارب الفرج من عندك يا رب
وفضل يتحرك ف السرير لحد ما نام عند تلا
وصلت تلا النادي
وراحت علي صاحبتها
تلا : هاي بيري
بيري:هاي تلا مالك شكلك مش طبيعي
تلا: مفيش تمام
امال فين بقيت الشله
بيري : سالي روحت
وماجي راحت تجهز للحفله بتاعت انهارده
تلا:امممممم انا مش في دماغي اروح حفلات انهارده
بيري : ليه بس
مالك ؟
تلا:فيه فلوس اتسرقت من الشركه وعايزه اعرف مين ال سرقها
بيري : يا ستي
وهي ديه حاجه تصعب علي تلا
قولي السبب الحقيقه يا تلا ده انا بيري
تلا :ماما بعتتلي جواب من امريكا
بيري :
عادي
وايه الجديد
تلا : بتزن عليا عشان اتجوز علي
ده غير عمي مطلع عيني في الرايحه والجايه
وموضوع السرقه والواد اللبط الي سرق
ده بجح معايا جامد انهارده
بيري : بجد !
تلا: اة بني ادم لزج وتنح
سارق وبيقول انو مسرقش حاجه ومصر اديتو مهله لبكره يا يجيي يعترف يا هشوف الكاميرات وهرفده
بيري : وتفتكري واحد حرامي كانت كرامته نقحت عليه كده
تلا: مش عارفه يا بيري بقا
بيري : طب سيبك منه وقوليلي هتعملي ايه مع مامتك وعمك
تلا:
مستحيل اتجوز علي علي جثتي
بيري: وبعدين
تلا: مش عارفه
بيري سكتت شويه
بيري: انا عندي فكري
تلا: فكره ايه
بيري : ما تتجوزي يا تلا
تلا: اتجوز مين يا بيري ما كلهم طمعانين فيا
بيري : مقصدش جواز واستقرار وكده
تلا: امال ايه
بيري : جواز مصلحه
يعني تشوفي راجل كده تديله فلوس تتجوزيه شهر اتنين تلاته لحد ما تخلصي من عمك وزنه
تلا بتفكير: ويا تري في راجل يقبل بكده
بيري : يووووه كتير
تلا :
بس يا بيري اضمن منين انو يقبل يني بعديها