روايه حبيبتى

طلع حسام وكريم على الڤيلا … حسام بصوت جهورى : تعالوا هنا يا كلاب … الحرس : اوامرك يا باشا .. حسام : انا موقف الحرس دة كله عشان فى الاخر مراتى تتض,رب برص,اصة … ازاى …. انطقوا … واحد من الحرس : يا باشا الرصاصة جت من العمارة ال فى وشنا من على السطح فى الأغلب ف مشفناهوش .. وعقبال ما خدنا بالنا كان هرب .. حسام : طب ايه رأيكوا لو معرفتش مين هو هوقفكم صف كدة وبالرص اص واخلص .. فاهمين ..

الحرس : فاهمين يا باشا .. حسام : امشوا من ادامى … كريم : أهدى يا حسام بئا هيجرالك حاجة .. حسام : انا محتاج انام .. عن اذنك يا كريم … ####################### طلع حسام خدت شاور ونام على السرير بيحاول يخمن … هل انا ال مقصود ولا هى .. ومين يتجرأ يعمل كدة مين يااارب دبرنى … ######################## الفصل السادس .. تانى يوم حسام صحى بدرى بس هو اصلا مانمش .. وراح على المستشفى ..

حسام : لو سمحتى همس محمود فى غرفة كام … الموظفة : همس محمود لسه فى العناية المركزة يا فندم .. حسام سمع من هنا وجرى على العناية … ودخل من غير ما يخبط حتى .. وجرى عليها …. حسام : همس حبيبتى انتى كويسة .. همس بتعب شديدة وصوتها طالع بالعافية : حبيبى انا كويسة متخافش .. حسام : لأ انتى تعبانة اكتر من امبارح … فيه ايه ما تردوا عليا .. الدكتور : لازم أبلغه يا مدام همس …

حسام : فى ايه ما تنطق .. الدكتور : فى الفجر قلبها وقف وانعشناها بالعافية وكنا المفروض نتصل نبلغك بس رفضت .. حسام : اتفضلوا برة .. وطلعوا كلهم…. همس : مش عايزة تبلغينى يا همس أن قلبك وقف .. همس : اسفة سامحنى .. انا مش عارفة لو سمعت خبر زى دة ممكن يحصلك ايه .. سامحنى والله خوفت عليك .. حسام : حتى وانتى تعبانة بتفكرى فيا .. همس : عارف اكتر حاجة تعبتنى انى امو’ت قبل ما اشوفك ..

حسام : اوعى تقولى الكلمة ديه تانى. … انتى حياتى وروحى وعقلى .. خفى عشان خاطرى محتاجك جمبى .. همس : انا نفسي اقوم دلوقتى .. لو عايزنى امشي دلوقتى والله همشي عشان خاطرك … حسام : انتى كتير عليا اوى يا همس انتى متستاهليش واحد زيي … همس : انا كتير عليك .. حسام : طبعااا انا عملت فيكى حاجات كتير وعذبتك ..

همس : انت بتعمل كدة من برة بس لكن انت اطيب انسان فى الدنيا وال بيخليك تعمل كدة حاجة كبيرة اوى واكيد هعرفها … لكن انت احسن إنسان شوفته فى حياتى كلها بشكر ربنا أنه رزقنى بيك .. حسام حض,نها بكل قوته وهى كمان ح’ضنته لكن ج,رحها وجعها .. همس بصوت ضعيف : ااااه … حسام : اسف اسف حقك عليا .. همس : أهدى أهدى انا كنت محتاجة حض,نك دة اوى .. حتى لو هيألمنى ..

حسام : وانا كمان … همس : حبيبى هو كان المقصود بالرصاصة انا ولا انت .. حسام : لسه مش عارف .. همس شردت بتفكير .. حسام : سرحتى فى ايه .. همس : حبيبى هو حد عارف اننا متجوزين .. حسام : مفيش كريم .. و … همس : وايه بئا .. حسام : وهشام الدمنهوري … همس : مين دة .. حسام : عدوى اللدود فى السوق .. همس : حسام عندى ليك فكرة هتعرف منها مين ال عمل كدة ..

حسام : ايه قولى .. همس : تخلى حد ينشر خبر على أنه متسرب انك كنت متجوز وانى خدت رصـ,ـاصة أدت لوفـ,ـاتى … حسام : بعد الشر عليكى .. همس : يا حبيبى الفكرة ديه هتعرفك هو ولا لأ وانا متأكدة انك هتعرفه .. بس دلوقتى روح اعمل كدة وخلى الخبر كأنه متسرب وكمان يبان عليك ملامح الحزن جداا ..وكمان انقلتى فى اى شقة محدش يعرف عنها حاجة عشان ممكن وانا فى المستشفى يتعرف بسهولة انى هنا ..

حسام : دة لا يمكن انتى لسه تعبانة .. همس : يعنى هو حبيبى ميقدرش يعملى مستشفى فى البيت … حسام : حبيبك عشانك يقدر يعمل اى حاجة فى الدنيا … بس انا كدة مش هعرف اشوفك .. همس : مش انت عايز تجيب حقى .. حسام : طبعا .. همس : استحمل عشان تجبلى حقى .. ودخل كريم … كريم : حمد لله على سلامتك يا همس .. همس : الله يسلمك يا كريم … حسام قوله ..

كريم : يقولى ايه .. حسام حكى ليه كل حاجة .. كريم : يا جامدة يا همس ايه الفكرة الجامدة ديه .. حسام : ياريت نلم نفسنا ولا ايه .. كريم : ليه هو انا عملت حاجة .. حسام : والله ايه جامدة ديه انشاء الله … كريم : ليه وهى مش جامدة … حسام راح يضر,به همس مسكت ايده : استنى بس .. حسام : سيبينى عليه .. كريم : يا عم اصدى على الفكرة ..

حسام : اه بحسب .. همس : يخربيتك يا كريم والله ما قادرة اضحك .. كريم : طب ايه مش هنبتدى التنفيذ .. حسام : انا هقعد مع همس لغاية ما تجهز شقة المعادى بكل حاجة .. وبعدها هطلع على الشركة وانا متعصب ومتضايق وانت بعد ما تخلص تروح تنشر الخبر بالطريقة ال قولنا عليها .. بعدها تيجى تنقل همس بالاسعاف للشقة .. بعدها تيجلى … كريم : ماشي .. انا همشي بئا ابتدى اجهز ..

الفصل السابع .. كريم وهو طالع كان بيتكلم فى التليفون راح خبط فى واحدة .. هى : اسفة اسفة .. كريم : خلاص أهدى محصلش حاجة … هى : عن اذنك عشان مستعجلة …ومشيت .. كريم : ايه العيون الجميلة ديه .. ###################### كريم راح جهز الشقة ال هتقعد فيها همس بكل الأجهزة الطيبة ال هاتحتجها ودكتور وممرضة .. بعدها راح ل صحفى يعرفه وفهمه كل حاجة .. كريم بيتصل على حسام : الو يا حسام يلا تعالى على الشركة انا خلصت كل حاجة … بعد ما تطلع على الشركة هاجر اخد همس ..

حسام : ماشي يا كريم .. سلام … ####################### عند همس … حسام : حبيبتى انا لازم امشي دلوقتى اروح الشركة .. همس : روح يا حبيبى عيزاك تمثل كويس .. حسام : ههه هحاول .. المهم لو حسيتى انك محتاجنى اتصلى بيا على طول من غير تردد … مفهوم .. همس : حاضر بس قبل ما تمشي عايزة اطلب منك طلب .. حسام : عيونى .. همس : تسلملى يا حبيبى .. انا عايزة اكلم ماما بقالى اسبوع مكلمتهاش …

حسام : من عنيا .. اول لما تروحى هخليكى تكلميها .. عايزة حاجة تانى .. همس : ربنا يخليك ليا … يلا روح عشان متتأخرش .. حسام : مش عايزة حاجة قبل ما امشي .. همس : خلى بالك من نفسك .. حسام : وانتى كمان .. وخرج حسام وراح على الشركة وهو بيمثل الحزن والعصبية .. ################## وكريم راح خد همس بالاسعاف ووداها الشقة … ورجع المستشفى يخلص اوراق الخروج … وخبط تانى فى نفس البنت …

البنت : اسفة معلش .. ايه دة انت بردوا .. كريم : انتى بردوا .. البنت : معلش اصلى بمشي بسرعة .. كريم : انتى بتعملى ايه هنا … البنت : انا دكتورة اطفال هنا .. كريم فى نفسه : لازم اطفال بكل البراءة ال فيكى ديه .. كريم : امم بس انتى على طول مستعجلة كدة .. البنت : اصل انا عندى حالات كتير .. كريم : اها ربنا يعينك .. البنت : ميرسي عن اذنك …

كريم : ثانية واحدة … انتى اسمك ايه .. البنت : اسمى سهيلة .. كريم : اسم جميل .. البنت بكسوف : ميرسي .. عن اذنك … ومشيت بسرعة … كريم : يلاهوى على القمر … وخلص الورق ومشي …. #################### همس كلمت حسام فى التليفون … همس : فى حد جمبك .. حسام : لأ مفيش … همس : وحشتنى اوى .. حسام : انتى اكتر يا قلبى .. عملة ايه دلوقتى .. همس : ها ..كويسة يا حبيبى ..

حسام : شكلك بتكدبى .. همس : لأ يا حبيبى كويسة وبصوت منخفض اااه. … حسام : مالك يا همس .. همس بتعب : مفيش يا حبيبى انا كويسة .. حسام : همس ادينى الدكتور ال جنبك .. همس : يا حسام .. حسام : قولت ادينى الدكتور ال جنبك .. همس عطت التليفون للدكتور … الدكتور : نعم يا حسام بيه .. حسام : همس مالها … الدكتور : هى كويسة بس مكان الرص,اصة تاعبها شوية وبنحاول نديها مسكنات متقلقش ..

حسام : خلاص اديهالى .. همس : خلاص اتطمنت … حسام : همس بعد كدة ياريت تقوليلى الحقيقة عشان متهورش … همس : حاضر المهم اتأكدت ولا لسه … حسام : لسه … ونفس اللحظة دخلت السكرتيرة … السكرتيرة : اسفة يا فندم بس هشام الدمنهوري طالب يقابل حضرتك .. حسام : دخليه… حسام لهمس : شكلى هتأكد .. اقفلى دلوقتى .. همس : خلى بالك من نفسك .. حسام : حاضر وانتى كمان ..

وقفل …. دخل هشام الدمنهوري … حسام بغضــ . ــب : جاى ليه يا هشام .. هشام : جاى اعزيك يا حسام .. حسام : لأ فيك الخير .. طبعا جاى تشمت … هشام : تؤ تؤ انا بردوا .. بس تصدق اه فعلا جاى اشمت .. حسام : لو ممشيتش من ادامى هتحصلها .. هشام : الا قولى هو مين ال قت,لها … حسام : وانت مالك … هشام : هههه لأ عادى فضول .. على العموم .. وهو بيقول يمشى …

انا خلصت حسابى معاك يا حسام .. سلام … فى اللحظة ديه حسام اتأكد ١٠٠% أن هشام هو العمل كدة … ##########################